“Ndaloni aeroportin”, filmi për dëmet që sjellin punimet në zonën e Nartës

“Ndaloni aeroportin!”, kështu do të quhet një film dokumentar i cili tregon përpjekjet e një komuniteti për të ndaluar punimet e aeroportit pranë zonës së Nartës.

Ky film dokumentar del me date 28 qershor ne kinema. Pasqyron përmes planeve pasuritë e zonës se mbrojtur si dhe betejën për ta shpëtuar atë. Nga ana tjetër edhe informon mbi argumentet e përdorura deri tani për ndërtimin e aeroportit.

Sipas përfaqësuesve të PPNEA autoritetet në Shqipëri kanë hyrë në garë me Ndryshimet Klimatike, se cila prej të dyjave mund ta dëmtojë më shumë mjedisin natyror. Këtë radhë, fronti i shkatërrimit është zhvendosur përreth fushave të virgjëra të peizazhit të mbrojtur ligatinor të Nartës, në të cilin po ndërtohet aeroporti më i madh i Ballkanit…

Kështu, nga njëra anë rrezikohemi nga rritja e nivelit të detit për shkak të ngrohjes dhe nga ana tjetër, nga shtimi i presionit urban për shkak të zhvendosjes kaotike të popullsisë drejt brigjeve.

Në tridhjetë vjet kemi parë degradimin e peizazhit, por tani rrezikojmë zhdukjen, jashtëzakonisht të shpejtë, të jetës së egër. Në vend që të luftojnë për ruajtjen e saj, të nxitur nga lakmia për më shumë para, ne po i japin një mbështetje më shumë katastrofës.

“Ndërtimi i aeroportit tregon fillimin e fundit të Zonave të Mbrojtura në Shqipëri”, – konstaton Aleksandër Trajce, Drejtor Ekzekutiv i PPNEA.

LEXONI GJITHASHTU:

• Rama: Aeroporti i Vlorës do të jetë më i madhi në Ballkan
• Ministrja Balluku: S’ka faunë në zonën ku po ndërtohet aeroporti i Vlorës