Nico Williams në qendër të merkatos! Refuzon Chelsea-n, ku dëshiron të shkojë

Pas një debutimi ëndrrash me Spanjën në kampionatin evropian, i mbyllur në fund me fitimin e trofeut, Nico Willimas po mendon për të ardhmen.

Sulmuesi i Athletic Bilbao dëshiron t’i bashkohet vetëm Barcelonës, ndërsa ka refuzuar ofertën e Chelsea. Mediat britanike konfirmojnë lajmin, me anësorin i cili ka bërë të ditur se dëshiron të mos ndryshojë kampionat, por natyrisht qëndrimi tek Bilbao është thuajse i pamundur, me Hansi Flick që e pret tek blaugranët.

22-vjeçari sic dihet ka një klauzolë prej 58 milionë eurosh, pagesë e cila është e përballueshme nga Barcelona, por në ditët në vijim pritet të shihet nëse do të arrihet akordi.

Skuadrat spanjolle vijojnë të jenë aktive në merkato, sidomos Reali i Madridit, që 2 ditë më parë prezantoi Kylian Mbappe. Galaktikët synojnë një tjetër futbollist, e bëhet fjalë për mbrojtësin anësor të Liverpoolit, TA Arnold.

Ky i fundit mbylli vitin e tij të 8-të tek “The reds” dhe është gati për një aventurë të re dhe Reali është opsioni më i preferuar prej tij. Akordi do të marrë kohë, pasi Liverpool e cilëson ndër lojtarët kryesorë të skuadrës Arnold, por ardhja e Arne Slot nuk ofron siguri për askënd, ku që prej ikjes së Klopp një pjesë e lojtarëve janë shprehur të gatshëm për tu larguar.

LEXONI GJITHASHTU:

• Spanja shkëlqen në Berlin, fiton kampionatin evropian
• FIFA publikon renditjen e kombëtareve, ku renditet Shqipëria