Orban përplaset me Gjermaninë, komenti nxit debat për mbështetje ndaj ekstremistëve

Kryeministri hungarez, Viktor Orbán, ka përshëndetur ndryshimet në politikën e emigracionit të Gjermanisë, duke e shfaqur këtë moment si një fitore për politikën e ekstremit të djathtë.

Në një postim në rrjetet sociale, ai shkroi: “Guten Morgen, Deutschland! Mirë se vini në klub!” duke uruar Gjermaninë për marrjen e një qasjeje më të ashpër ndaj emigracionit.

Kandidatja për kancelare e AfD, Alice Ëeidel, iu përgjigj Orbán-it me një postim tjetër: “Mirëmëngjes Hungari! Gëzohem që jam pjesë e klubit tuaj!”

Ky reagim ka shkaktuar një kundërpërgjigje të shpejtë nga Ministria e Jashtme gjermane, e cila i kujtoi Orbán-it se Gjermania është pjesë e Bashkimit Evropian grupimit më të madh për vlerat e përbashkëta evropiane.

Në brendësi të Gjermanisë, reagimet kanë qenë të ashpra. Kancelari Olaf Scholz dhe Partia Social Demokratike (SPD) kanë akuzuar liderin e CDU-së, për minimin e besueshmërisë së tij, duke e cilësuar përqafimin e politikave të ekstremit të djathtë si një kërcënim për stabilitetin dhe kohezionin shoqëror të vendit. Demonstruesit u mblodhën jashtë selisë së CDU-së duke kërkuar një angazhim më të fortë për të penguar rritjen e ndikimit të ekstremistëve të djathtë në politikën gjermane.

LEXONI GJITHASHTU:

• Paraqitja surprizë e Elon Musk në tubimin e AfD, akuza për ndërhyrje në zgjedhje
• “Unë s’jam ai”- Ish-gruaja e Musk reagon pas përshëndetjes të cilësuar si naziste
• Itali| Protesta për gjestin e Elon Musk, studentët mesazh nga vendi ku u var “Duçja”