“Pankreasi, organi më i vështirë për t’u hequr”- kirurgu sqaron arsyet

Pankreasi është një nga organet pa të cilin ne mund të jetojmë por heqja e tij është një nga ndërhyrjet më të rrezikshme.

Fabjan Mustafaj, i ftuar në “Good Morning Albanians”, tha se pankreasi është një organ shumë  i rëndësishëm pasi ai prodhon insulinën, e pas heqjes së tij, pacienti do duhet të marrë ilaçe.

Gjithashtu kirurgu e cilësoi heqjen e pjesshme të pankreasit si një nga ndërhyrjet më të të rrezikshme.

“Pankreasi është pas stomakut dhe kur bëhet heqja e plotë apo e pjesshme  e pankreasit, heqja e pjesshme është më e vështirë sepse duhet të bëjmë rindërtimin funksional.

Pra duhet të lidhim pjesën e mbetur të pankreasit me zorrën e hollë, një pjesë të stomakut  me zorrën e hollë, një pjesë të kanaleve të tëmthit me zorrën e hollë.

Pra bëhen tre ndërhyrje të cilat janë delikate dhe të rëndësishme, ku nëse njëra prej tyre cedon, rrezikon jetën e pacientit”,-tha kirurgu Mustafaj në Euronews Albania.

LEXONI GJITHASHTU:

• 10 organet e trupit tonë pa të cilat mund të jetojmë, e të bëjmë jetë normale
• Rasti i rrallë! Pacienti jeton pa stomak, pa pankreas dhe pa një pjesë të zorrëve
• Regjistrohet vdekja e parë në botë nga gripi i shpendëve