Partizani eliminohet nga Conference League, mposhtet 0-1 në shtëpi nga estonezët
Partizani u mund me rezultatin 0-1 nga Nomme Kalju në ndeshjen e kthimit të turit të parë të Conference League, duke u eliminuar nga gara.
Ndeshja e parë kishte përfunduar 1-1, ndërsa në “Air Albania” për të përcaktuar fituesin u deshën 120 minuta lojë.
Në kohën e rregullt, ndeshja u mbyll 0-0, me shumë raste dhe emocione, por pa gola.
Pjesa e parë nuk prodhoi gola pavarësisht rasteve të shumta, ndërsa edhe pjesa e dytë kishte një ritëm të kënaqshëm, por skuadrat nuk arritën të shënojnë.
Në vazhdime, Ivanov shënoi në minutën e 104, duke i siguruar skuadrës estoneze kalimin në turin e dytë ku pas dy ndeshjeve, rezultati i përgjithshëm ishte 2-1 për Nomme Kalju.
Por Partizani kishte një moment të mirë për të kaluar në avantazh por që nuk u shfrytëzua nga Xhuliano Skuka i cili nuk arriti të shënonte nga pika e bardhë e penalltisë në minutën e 80-të.
Trajneri i Partizanit, Skënder Gega, pas ndeshjes theksoi se ekipi i tij meritonte më shumë, pasi goli i vetëm i rivalëve erdhi nga një mungesë përqëndrimi në një rast të vetëm.
Nga Superliga shqiptare, Egnatia, Vllaznia dhe Dinamo do të vazhdojnë më tej në fazat e mëtejshme të Conference League.
Egnatia u eliminua në turin e parë kualifikues të Champions League, ndërsa Vllaznia kaloi turin e parë të Conference League, kurse Dinamo fillon rrugëtimin nga turi i dytë i kësaj gare evropiane.
LEXONI GJITHASHTU:
Gazetarja: Rama përballë “fëmijëve politikë” të tij, kërkojnë zgjidhje për problemet e krijuara nën qeverisjen e tij
Aktivisti Goci: Një agjent nuk del me fytyrë të kërkojë dorëheqjen e kryeministrit
“Rama jepe dorëheqjen”, protestuesit marshojnë dhe ndalen para Parlamentit në Tiranë
- 22:32 Moti i keq, aksident në hyrje të tunelit të Skërficës
- 22:28 Gazetarja: Rama përballë “fëmijëve politikë” të tij, kërkojnë zgjidhje për problemet e krijuara nën qeverisjen e tij
- 22:25 “5 kërkesat nuk mjaftojnë për Shqipërinë e Re”, Manjani: Nuk është zgjidhje, jep dorëheqjen ti të vij unë
- 22:12 “PD të mos flasë në emër të protestës”, Malaj: Partitë politike janë të fundit që duhet të flasin
- 21:58 Rrufeja shkakton zjarr në Dropull, era e fortë rrëzon pemë dhe bllokon rrugën
- 21:57 Aktivisti Goci: Një agjent nuk del me fytyrë të kërkojë dorëheqjen e kryeministrit