Partia Demokratike ka nisur këtë të enjte punën për procesin e primareve nga i cili do të dalin kandidatët për deputet në zgjedhjet e 11 majit.

Burime për Euronews Albania bëjnë me dije se procesi i primareve në PD pritet të nisë në javën e parë të shkurtit.

Paraprakisht kryetarëve të degëve të PD-së iu është dërguar një njoftim që iu bën me dije se nëse duan të marrin pjesë në primare e të garojnë për deputet, duhet të japin dorëheqjen nga posti që kanë në drejtimin e degës së partisë.

Kujtojmë se ditën e djeshme u miratua dhe numi i përgjithshëm i kandidatëve për deputetë që partitë politike duhet të paraqesin në listat që do të dorëzojnë në Komisionin Qëndror të Zgjedhjeve.

Sipas KQZ listat për deputetë do të duhet të përmbajnë 186 emra kandidatësh, të ndara në 12 qarqet e vendit sipas mandateve respektive.

46 kandidatë pritet të jenë në listë të mbyllur, ndërkohë që 146 të tjerët do të jenë në listë të hapur.

LEXONI GJITHASHTU:

• Dosja “Partizani”, i rethuar nga mbështetësit Sali Berisha paraqitet në SPAK
• Primarët e PD, kush do të jetë pjesë e listës së sigurtë!