Banorët e fshatit Libonik në Bashkinë e Maliqit kanë dalë në protestë këtë të enjte duke kërkuar shërbimet bazike për një zonë komunitare.
Ata tregojnë se në fshat mungon rruga, qendra shëndetësore nuk ka mjekë dhe se uji në çezma nuk u vjen. Sipas tyre, në fshat nuk ka pasur investime në 30 vitet e fundit.
“Ne kemi 34 vite që Rruga e varrezave është në këtë gjendje. E kemi ngritur zërin por asnjëherë nuk janë marrë masa. Kemi mbledhur njëherë lekët vet. As qendra shëndetësore nuk ka doktor as në Libonik, Maliq, Drithas, kemi nevojë për doktor. Kryetari thotë se s’ka personel “,-tha banori.
“Po bën kaq vite, asnjë investim nuk është bërë. Po kërkojmë të jetojmë e të vdesim, dy gjëra po kërkojmë. Po i çojnë të vdekurit me mushkë. Ka e probleme të tjera. Vetëm mashtrime, asgjë tjetër “,-shprehet banori.
“Duhet të vërtetoni se kjo rrugë figuron e shtruar, erdhi deri aty asfalti e nuk erdhi me pas. Figuron e shtruar e ujë në varret ska. Ato mallkimet e atyre lart i merr ky popull “
Banorët e fshatit Libonik vuajnë edhe mungesën e ujit të pijshëm në disa lagje, mungesën e kanalizimeve dhe mospasjen e certifikatave të pronësisë.
LEXONI GJITHASHTU:
- Bursa amerikane bën rënie të menjëhershme pas tarifave të Trump
- Tërmeti në Mianmar/ Mbi 3000 persona kanë humbur jetën, qindra janë zhdukur
