Andi Bushati i ftuar në emisionin “Now”, në Euronews Albania tha se premtimi i Belind Këlliçit për transport publik falas i duket një premtim joshës për fushatën.

Sipas tij Këlliçit i duhet të tërheq vëmendjen me premtime të tilla pasi kundërshtari i tij në Tiranë është shumë i pushtetshëm mediatikisht. Megjithatë Bushati ka shtuar se si premtim transporti falas i pëlqen pasi ai ka një koncept të ideologjisë së majtë.

“Unë nuk jam ekspert i transportit publik. Mua më duket masë joshëse, sepse përballë një kandidati të pushtetshëm mediatikishit, Këlliçi ka nevojë të bëjë diçka për të krijuar debat rreth vetes. Aty ku unë kam objeksion, unë si i majtë jam për transport falas në këtë qytet, por nuk besoj se masa që propozohet nga Belindi si kandidat i të djathtës, është koherente me të.

Po të shikosh fjalorin diskursin, qeverisjen e fundit të Partisë Demokratike, është qeverisje e vogël dhe privati, kontrolli mbi privatin, jo marrja e kompanive publike që marrin para nga bashkia. Ti nuk do ja lësh tregut, ti do vendosësh disa kompani që do japin biletën falas dhe këto kompani paratë do i marrin nga bashkia”,-tha Andi Bushati.

LEXONI GJITHASHTU:

• Mbeti viktimë e konfliktit me armë në Kavajë, 43-vjeçari i dënuar më parë për vrasje
• Aktivistja: Këlliçi nuk futet në garë për të fituar, por për t’u rritur politikisht
• Jo inteligjencës artificiale, gjigantët e teknologjisë kundër zhvillimit të avancuar