PS mbledh Grupin Parlamentar në Kryesinë e Kuvendit, çfarë pritet të diskutohet

Kryeministri Edi Rama ka mbledhur ditën e sotme në Kryesinë e Kuvendit Grupin Parlamentar të Partisë Socialiste.

I pranishëm në mbledhje ka qenë edhe vetë kryeministri Rama, teksa u diskutua për agjendën parlamentare të javës që ka nisur.

Në këtë mbledhje është diskutuar edhe lidhur me marrëveshjen e arritur me Rithemelimin, për t’i dhënë fund kaosit në Kuvend, duke pranuar kërkesat e opozitës për ngritjen e 2 komisioneve parlamentare hetimore.

Marrëveshja për t’i dhënë fund tensioneve rreth 5-mujore në Kuvend u zyrtarizua edhe në Konferencën e Kryetarëve e cila u mblodh javën e kaluar.

Gazetarja e Euronews Albania, Eksiola Shehu, tha se kreu i Grupit Parlamentar të PS-së, Bledi Çuçi, informoi deputetët gjatë mbledhjes për dakordësinë e arritur me Rithemelimin, për t’i dhënë fund kaosit në Kuvend.

“Mbledhja ka përfunduar rreth orës 11:00. Rama është larguar, por pas mbledhjes së Grupit është takuar me Lindita Nikollën dhe ka qëndruar për rreth 30 minuta në zyrën e saj. Kreu i Grupit, Bledi Çuçi i ka informuar deputetët lidhur me marrëveshjen e arritur me Rithemelimit, për rikthimit në punën noramle në Kuvend. Ditën e sotme në kuadër të asaj që socialistët ngulmojnë që të mos e quajnë negociatë apo marrëveshje, kemi parë sot një komision që mbahet fizikisht për herë të parë pas 5 vitesh”, tha gazetarja e Euronews Albania, Eksiola Shehu.

LEXONI GJITHASHTU:

• “29.225 anëtarësime të reja në PS”, Rama: Tregojnë potencial, i tejkaluam objektivat
• PS mbledh sot Asamblenë Kombëtare, në fokus anëtarësimet në parti