Publikohen çmimet e biletave, Partizani pret më 11 korrik Bate Borisov

Pas fitores së regjistruar ndaj Strugës në Pogradec, kampionët e Shqipërisë vijojnë përgatitjet në prag të sfidës delikate ndaj Bate Borisov.

Të kuqtë kanë vijuar stërvitjet pa ndërprerje nën drejtimin e trajnerit Zoran Zekiç, me këtë të fundit që dalëngadalë po bën njohjen e plotë të skuadrës.

Këtë të hënë janë publikuar çmimet e biletave për përballjen e raundit të parë kualifikues të Champions League, ku të kuqtë presin skuadrën bjelloruse.

Në faqen zyrtare të klubit bëhet me dije se biletat do të nisin nga 400 lekë, teksa çmimin më të lartë e ka tribuna VIP, me një vlerë prej 4000 lekësh të rinj. Blerja e tyre bëhet në stadiumin “Selman Stermasi”.

Në një moment kur Partizani shijon titullin kampion të Superligës dhe vijon përgatitjet për këtë ndeshje, bjellorusë e Bates janë duke luajtur ndeshjet e kampionatit bjellorus.

Aktualisht renditen në vendin e 6 me 19 pikë, ndërsa regjistrojnë 5 fitore, 4 barazime dhe 4 humbje. Aktualisht liga bjelloruse udhëhiqet nga Dinamo e Minskut me 31 pikë.

Partizani dhe Bate Borisov përballen më 11 korrik ora 20:45 në stadiumin Air Albania.

LEXONI GJITHASHTU:

• Fitoi titullin kampion me Partizanin, Colella largohet nga të kuqtë
• Çështja “Partizani”, Taulant Balla thirret në SPAK