“Punëtorët paguhen 16 mijë lekë në ditë”, fermeri tregon problemet me të cilat hasen

Një nga fermerët në Fier për mikrofonin e Euronews Albania, është shprehur se tokat djerrë kanë mbetur për shkak se njerëzit kanë emigruar ose kanë hapur një biznes në ndonjë vend tjetër.

Ai tha se një punëtor që punon në ferma ose në tokat bujqësore, për 7 orë paguhet 16 mijë lekë të reja në ditë

“Ka shumë pak toka djerrë këtu. Tokat nuk punohen sepse njerëzit janë në emigrim, ose kanë hapur biznes vend tjetër. Ka dhe nga ata njerëz që duhen stimuluar për të mos e lënë tokën djerrë. Unë sot kam 10 punëtorë. Kam 22 dylimë të mbjella me luleshtrydhe. Është shumë e vështirë të gjesh punëtor. Një punëtor këtu për 7 orë paguhet 16  mijë lekë në ditë”- u shpreh femeri.

Ai tha se dy nga problematikat që hasin fermerët është mungesa e punëtorëve dhe shitja e prodhimit.

“Problematikat që po hasin fermerët janë me punëtorë sepse është rritur sipërfaqja. Sot më duhen 12-15 punëtorë sepse është rritur sipërfaqja.  Luleshtrydhen e eksportojmë jashtë por këtë vit e kemi pasur të vështirë. Vetëm tregu i jashtëm e merr luleshtrydhen”- tha ai.

LEXONI GJITHASHTU: 

• Duka: Nuk bëhemi pjesë e garës nëse opozita del me më shumë se dy kandidatë
• Vdekja e Lear Kurtit, Berisha: E mbytën banditët me uniformë, Ardi Veliu mashtroi