‘Qeveria s’po mbron shqiptarët’, Tabaku: Çmimi i energjisë i njëjtë me 1 vit më parë

Deputetja e Partisë Demokratike, Jorida Tabaku deklaroi se qeveria nuk po mbron shqiptarët, në lidhje me çmimin e energjisë.

Në një intervistë për Euronews Albania, Tabaku nënvizoi se aktualisht, çmimi i energjisë elektrike në tregjet ndërkombëtare është i njëjtë me një vit më parë.

Sipas saj, në 9 vite, qeveria dështoi dhe nuk pati strategji që vendi të kishte burime të tjera energjie.

“Çmimi në të gjitha tregjet ndërkombëtare sot, është aq sa ishte një vit më parë. Qeveria nuk po bën asgjë si rezultat i luftës. Qeveria shqiptare është duke blerë energji elektrike siç po blente vitin e kaluar.

Megjithëse kanë shkuar 500 milionë euro për blerje energjie, sot ndodhemi në këtë situatë, janë të gjitha vendime të qeverisë, nuk ka asfgjë për të qenë shpëtimtarë. Qeveria ka dështuar që në 9 vite të prezantonte një strategji që ne të kishim edhe burime të tjera energjie”, theksoi ajo.

LEXONI GJITHASHTU

• Fyerjet e Ramës ndaj opozitës, Tabaku: Sjellje e tij sa herë ka një aferë korruptive
• Tabaku për Portin e Durrësit: Rama i jep 812 mijë m2 tokë shtetërore investitorit

• Berisha: Projekti në Portin e Durrësit, aferë Rama-Vuçiç