Raporti i DASH/ Avokati: I ngjashëm me të 2022. Shqipëria është në vendnumëro

Avokati Leonard Karaj dhe avokati Arbër Hoxha ishin këtë të martë të ftuar në një intervistë për Euronews Albania, ku kanë komentuar mbi raportin e Departamentit Amerikan të Shtetit, i cili u publikua ditën e djeshme.

Avokati Karaj tha se ky raport i Dash i cili është shumë i ngjashëm me atë të vitit 2022, ka treguar edhe njëherë se problemet e gjyqësorit në Shqipëri kanë mbetur të pazgjidhur dhe se drejtësia ka mbetur në vendnumëro.

“Raporti për vitin 2022, është thuajse i njëjtë me raportin e vitit 2023, ata ose nuk janë lodhur për të bërë një raport ndryshe, ose Shqipëria nuk ka bërë asnjë hap përpara. Madje unë gjykoj se në shumë raste në raport me gjyqësorin ka bërë hapa të tmerrshëm pas.

Unë vërej se si nga SPAK edhe nga GJKKO, por sidomos nga SPAK, pasi ai nis hetimin për çdo zyrtar, në shumë raste ka pasur dy standarde. Në këtë histori dua të them se DASH na ka treguar edhe njëherë se Shqipëria ka ngelur në vendnumëro”,-tha Leonard Karaj.

LEXONI GJITHASHTU:

• DASH: Korrupsioni, pavarësia e gjyqësorit, shqetësimet kryesore në Shqipëri
• Ndalimi i qytetarëve dhe policëve të Kosovës në Serbi, reagon DASH