Rikthehet besimi në ekonomi, Banka Qendrore: Qytetarët presin situatë pozitive

Besimi në Ekonomi ka marrë kthesë pozitive në muajin shkurt, duke u rritur me 0.9 pikë. Për Bankën Qendrore, janë qytetarët dhe bizneset e tregtisë ata që presin situatë më të mirë në muajt në vazhdim.

Biznesi dhe konsumatorët mendojnë se ekonomia do të ketë ecuri pozitive për muajt në vazhdim.

Në sondazhin e Bankës Qendrore të muajit shkurt, qytetarët, industria dhe tregtia dhanë përgjigje optimiste për portofolin dhe aktivitetin e tyre, duke thyer perceptimin negative të muajve paraardhës.

Rritja vlerësohet 0,9 pikë gjatë muajit shkurt, dhe niveli aktual i treguesit të ndjesisë ekonomike, qëndron rreth 7 pikë përqindje mbi mesataren historike.

Prodhimi dhe shenjat optimiste për eksportet do të rritin pritshmëritë e industrisë, ndërsa tek tregtia pozitivisht shihen ecuria e shitjeve e punësimi.

Nga ana tjetër, ndërtimi dhe shërbimet nuk e shohin situatën kaq pozitive. Ata i pengon frika e çmimeve, punësimit dhe niveli aktual i kërkesave dhe pesimizimi i tyre është diktuar për 3 muaj me radhë në sondazhet e Bankës Qendrore.

LEXONI GJITHASHTU:

• Rama: Banka e Shqipërisë financim 250 mln euro për ndërmarrjet me fokus tek bujqësia
• Banka e Shqipërisë: 250 mln euro financime për bujqësinë, do ndahen si kredi të buta