Salianji: Komisioni provoi ndërhyrjet në TIMS nga krimi ose të korruptuarit

Në mbledhjen e së hënës, Ervin Salianji bashkë me deputetët e tjerë të opozitës kërkuan shtyrjen e afatit të veprimtarisë së komisionit TIMS. Në një intervistë për EuroNews Albania, Salianji sqaron edhe arsyet e kësaj kërkese për shtyrjen e hetimeve të komisionit.

“Duke qenë se ne jemi njohur me fakte inkriminuese me të dhëna nga drejtues të lartë të Policisë së Shtetit, të cilët në dëshminë e tyre janë kontradiktor, i lënë përgjegjësitë tek njëri-tjetri. Kështu do të kemi mundësinë t’i shkojmë në fund hetimit edhe për çështje të tjera, jo vetëm me ndërhyrjet në TIMS, por edhe me prodhimin e dokumentave të falsifikuara.”-thotë deputeti.

Sipas Salianjit, me veprimtarinë e deritanishme komisioni ka provuar dhe vërtetuar ndërhyrjen në sistemin TIMS, që sipas tij mund të jetë bërë për tre qëllime.

“Kjo mund të jetë ndërhyrje nga krimi i organizuar, ndërhyrje për qëllime politike apo edhe për të ndihmuar shtete me qëllime jo të mira ndaj Shqipërisë.” –vazhdon më tej ai.

Salianji thekson se nga dëshmitë e marra por edhe dokumentet e siguruara, është një krijuar një bazë të dhënash që t’i japë mundësinë prokurorisë që të nisë hetimet. Nëse dy palët nuk do arrijnë të gjejnë gjuhën e përbashkët në seancën plenare të Kuvendit do të shkohet me dy raporte veçmas, një të opozitës dhe një të maxhorancës.

LEXONI GJITHASHTU:

• PD kërkon zgjatjen e hetimin për “TIMS”, Salianji: Kanë dalë të dhëna të llahtarshme
• “Keni nëna, keni motra”/ Debate në Komisionin TIMS, mazhoranca largohet nga mbledhja