Shehu për përjashtimin nga Grupi Parlamentar: Alibeajt i duket vetja Kim Jong Un

Deputeti i Partisë Demokratike, Tritan Shehu e ka krahasuar Enkelejd Alibeajn me liderin e Koresë së veriut, Kim Jong Un, teksa komentoi deklaratën, sipas së cilës ai dhe tre kolegë të tjerë janë përjashtuar nga Grupi Parlamentar.

Në një intervistë për Euronews Albania, Shehu u shpreh se Alibeaj po përdoret nga mazhoranca dhe shtoi se ai duhet të ndihmohet, pasi është i sëmurë.

“Ndasitë ekzistojnë në Grupin Parlamentar, nuk mohohet kjo gjë. Pati disa iniciativa të bukura dhe të mira nga kolegët, për të tejkaluar ndasitë dhe përtë gjetur një formulë për të shkuar përpara, sa më të bashkuar me njëri-tjetrin. Kjo shqetësoi regjimin, absolutisht dhe përdori shkopin e tij, apo patericën e tij, një personazh i cili ka karakter të dobët, që pranon të përdoret në këtë mënyrë.

Fjali të tjera mund të gjesh vetëm në fjalimet e Kim Jong Un apo në këngët e gjelit që këndon në majë të qymezit për pulat e tij. Janë fjalë delirash, që shprehin delierin e jnë personi, prandaj thashë që duhet ndihmuar, sepse unë shoh që sëmundja e tij po thëllohet përditë”, theksoi ai.

Enkelejd Alibeaj ka përjashtuar nga grupi parlamentar i PD 4 deputetë.

Në njoftimin e grupit të Enkelejd Alibeaj thuhet se deputetët Oerd Bylykbashi, Belind Këlliçi, Agron Shehaj dhe Tritan Shehu nuk u distancuan nga aktet e dhunës ndaj Partisë Demokratike më 8 janar 2021.

LEXONI GJITHASHTU

• ‘Maskaradë’, Xhaferraj reagon për përjashtimin e 4 deputetëve nga Alibeaj
• Prapaskenat e ‘komplotit’ në PD, plani i Salianjit për të marrë postin e Alibeajt
• Salianji, tentativa për të marrë drejtimin e Grupit Parlamentar? Flet deputetja e PD