Shemsi Prençi akuza ndaj Kim: Mbajti SPAK-un larg ndëshkimit të veprave të rënda

Ish-drejtuesi i lartë në Policinë e Shtetit, Shemsi Prençi u shpreh në një intervistë për Euronews Albania se ambasadorja amerikane Yuri Kim nuk çoi përpara Reformën në Drejtësi.

Ai theksoi se Kim ka mbajtur SPAK-un larg ndëshkimit të veprave më të rënda të korrupsionit në Shqipëri.

“Në raport me gjurmën është mirë të themi që ka lënë gjurmë, por ka lënë gjurmë negative në diplomaci. Nëse do i referohemi sukseseve të SPAK, që do ishte ambasadorja që do çonte në finalizimin reformën e në drejtësi, SPAK-un kjo ambasadore e ka mbajtur larg ndëshkimit të veprave më të rënda të korrupsionit në Shqipëri”, u shpreh Prençi.

“Reformat në Drejtësi kanëshkuar shumë mbrapa. Në Shqipëri akoma nuk po ndëshkohen veprat më të rënda të korrupsionit që do peshojnë mbi shpatullat të miat dhe të gjithë popullit shqiptar”, tha ai më tej.

Sipas Prençit, ambasadorja Kim ka punuar që të mos vijojë Reforma në Drejtësi.

LEXONI GJITHASHTU:

• Gjata: Rama është përplasur me Kim për drejtuesin e SPAK
• Njoftimi i Ministrisë së Jashtme, Valteri: Raportet Rama-Kim s’do jenë më të njëjta
• Roland Bejko: Gjuha e politikanëve shumë e rëndë, kulmoi me dhunë fizike