“Shënjestra e radhës e Putin” – Diplomati zbulon shtetin që mund të sulmohet

Ish-ambasadori i Shqipërisë në Rusi, Sokol Gjoka tha në një intervistë për Euronews Albania roli i federatës ruse në arenën ndërkombëtare ka rënë dhe kjo u duk edhe në numrin e vogël të liderëve që përshëndetën rizgjedhjen e Putin si president i Rusisë.

Sipas tij, me këtë bie edhe ndikimi i Rusisë në rajone të ndryshme. Gjoka u shpreh se nëse do ketë ndonjë provokim nga Perëndimi, politika ushtarake ruse do mundohet ta përhapë luftën në rajon për të përhapur destabilitetin.

“Si kalë beteje Putin do mbajë luftën në Ukrainë, por edhe kjo deri në moment të caktuar se zhvillimet në terren do përcaktojnë gjithçka. Nëse do ketë ndonjë reagim më ngacmues nga komuniteti ndërkombëtar ndaj federatës ruse, politika ushtarake ruse do mundohet ta përhapë luftën në rajon për të përhapur destabilitetin. Moldavia është disi më e rrezikuar, sidomos rajoni i Transnistrias por edhe aty komuniteti ndërkombëtar është shumë vigjilent për të mos lejuar nisjen e një konflikti të armatosur”, tha diplomati.

LEXONI GJITHASHTU:

• Putin feston fitoren në zgjedhje dhe 10-vjetorin e pushtimit të Krimesë 
• Ish-diplomati britanik: Krahasimi i Putinit me Stalinin, fyes për ish-liderin e BRSS