Shoferët e transportit urban në Kosovë paguhen për kilometër, thotë Musliu

Drejtori i Drejtorisë së Shërbimeve Publike në Kosovë, Ilirik Musliu thotë se shoferët e transportit urban paguhen në bazë të kilometrave.

Në emisionin “Good Morning Albanians” në Euronews Albania, Musliu bëri të ditur se paga e një shoferi në trasportin urban, varion deri në 600 euro.

Musliu nënvizoi se në Prishtinë është bërë një riorganizim i linjave.

“Në Kosovë, një shofer paguhet nga 500 deri në 600 euro. E dëgjova zotërinë me shumë vëmendje, kam pasur informacione të tilla edhe më herët, por doja t’i konfirmoja. Ç’është e vërteta, është mendimi im, subvencionimi i transportit publik nuk është zgjidhje e përherhshme. Ne kemi kaluar në një fazë të tillë, kemi pasur probleme të tilla, zotëria në fjalë e di që sektori publik në transportin publik, për formatin që funksionon tani, është e pamundur të mbijetosh.

Për arsye se ne në kryeqytet, funksionojmë me kilometër. Ne e e paguajmë traportin publik për kilometër. Zotëria në fjalë e di se jo të gjitha linjat janë fitimprurëse, për arsye se varet nga numri i udhëtarëve dhe biletave, ndërsa ne kemi bërë riorganizim të linjave bashkë me IBRD, kemi vendosur se cilat do të jenë linjat. Në bazë të atyre linjave, kilometrave që kanë ato linja, ne kemi paguar transportin publik”, theksoi ai.

LEXONI GJITHASHTU

• Memaj: Subvencionohemi 100 lekë/litër, na u desh të marrim dhe kredi
• Musliu: Në 2023 mund të rritet çmimi i biletës për transportin urban në Kosovë
• Memaj: Rreth 25 % e stafit të urbanëve në Tiranë janë larguar, pakënaqësi nga paga