Juristi Ylli Manjani ka folur lidhur me zgjedhjet e 11 majit dhe atë çfarë shqiptarët presin nga dy partitë e mëdha.

Manjani thekson disa nga premtimet e partive, më në krye integrimi në BE dhe kthimi i një Shqipërie madhështore.

“Jemi në një fazë interesante të fushatës, ajo e shkëmbimit të ideve.

Kemi nga njëra anë premtimin që do jemi anëtarë të BE-së në 2030, është diçka që e shohim tek një e ardhme e afërt. Një projekt spektakolar që çdokush do ta pëlqente. Nga ana tjetër kemi një premtim që Shqipërinë sot do ta bëjmë madhështore. Ktu fillon e ndahen qasjet sesi do shkojmë drejt këtyre hapave. PS e maskon më bukur idenë e programit të PS, ndërsa PD është me idenë se kemi qenë mirë në 2005 dhe ta rikthejmë edhe sot”, tha ai.

Manjani lë hapësirë skepticizmi për integrimin në BE, duke shtruar pyetjen se si do jemi pjesë e saj teksa e gjithë koha politike harxhoet me çështjen e pensioneve.

“Duhet të ndajmë populizmin nga gjërat konkrete. A vërtet mendojmë që Shqipëria do jetë pjesë e BE-së apo do kemi një Shqipëri madhështore nëse harxhojmë kohë për pensionistët? Pensionisti është i rëndësishëm por nëse harxhojmë gjithë kohën politike për të menduar si do rritet pensioni, është e sigurtë që do gënjejmë. As PD nuk e rrit. Pensioni rritet vetëm nga puna, nga kontributi në sigurimet shoqërore.

Europian do bëhemi vetëm nëse shtojmë punën dhe mbrojmë biznesin, ekonominë, pronën dhe nuk konsiderojmë aset kombëtar çdo biznesmen. Kjo është sfida”, tha juristi Manjani.

LEXONI GJITHASHTU:

• “Akoma nuk ka realizuar ato që premtoi në 2013”, Alimehmeti: PS nuk ka program
• Xhafaj hedh poshtë akuzat e opozitës: Programi do jepet nesër, ja pikat kryesore