Shqiptari nga Italia: Qeveria po jep subvencion për ata që punojnë në diell

Eksperti i turizmit Anduel Guri ishte këtë të enjte i ftuar në “Good Morning Albania” për të folur rreth motit “përvëlues” në Europë.

Ai tha se duke qenë se moti i nxehtë, po e vështirëson shumë mbarëvajtjen e punës, këshilli i ministrave në Itali ka vendosur që punëtorët që punojnë në kushte të vështira, sidomos ata të sektorit të ndërtimit do të subvencionohen nga shteti në rast se temperaturat e larta i detyrojnë të lënë punën.

“U morr një vendim i këshillit të ministrave i cili në bashkëpunim me institutin e sigurimeve shoqërore, po punon në raportin e industrisë, fabrikat apo vendet ku punëtorët punojnë në kushte të vështira.

Në momentin që temperatura arrin në një masë të caktuar kanë të drejtë të ndalojnë punën dhe në të gjitha orët që puna ndalohet do i subvencionojë shteti, pra futet në punë asistenca sociale. Pra edhe nëse punëtorët nuk punojnë për disa orë ata do paguhen, jo nga kompanitë private, por nga shteti”,-tha eskperti i turizmit Anduel Guri.

Për të ndjekur kanalin e youtube të Euronews Albania KLIKO KËTU! 

• “Digjen” nga i nxehti Greqia, Italia e Turqia. A është kjo vera më e nxehtë?
• Sulmohet ambasada suedeze në Bagdad, shenjë proteste për djegien e Kuranit