Sipërmarrësi ironizon Mirela Kumbaron: Keni pasur zemrën e mirë me AirBnb-të

Sipërmarrësi Dritan Gremi tha në “Now me Erla Mëhillin” se AirBnb është një sistem jashtë auditimit që nuk monitorohet sa i takon numrit të turistëve që akomodohen në këto vendqëndrime.

Ai ironizoi duke thënë se në këtë rast qeveria e ka pasur zemrën e mirë, por diçka e tillë duhet të ndryshojë dhe AirBnb-të duhet të monitorohen.

“Ne nuk dimë sa njerëz akomodohen në AirBnb. Le të themi që qeveria e ka pasur pak zemrën e mirë dhe të ngrohtë edhe bashkitë që nuk kanë dashur t’i monitorojnë, por është e drejtë që edhe këta njerëz të monitorohen, që edhe këto subjekte të paguajnë taksat që paguajnë të gjithë,” – u shpreh Gremi.

Ndërkohë, Kumbaro e kundërshtoi duke thënë se nuk është çështje e zemrës së mirë, por duhen vite të tëra për ta sistemuar dhe futur në kontroll, duke marrë si shembull dhe Italinë.

LEXONI GJITHASHTU:

• “Gjirokastra plot, vështirë të gjej hotel”, Kumbaro: Dhomat zihen që në prill
• Mirela Kumbaro: Mysafirët e Kosovës nuk regjistrohen si turistë