Spaho akuza ambasadores: Yuri Kim po u bën presion prokurorëve

Deputeti Edmond Spaho është shprehur se ambasadorja e SHBA në Tiranë po i bën presion prokurorisë.

Në një intervistë për Euronews Albania, ai tha se jemi në këtë gjendje që jemi sot për shkak se në SPAK që prej fillimit që u krijua u ndërhy politikisht.

Ndër të tjera Spaho theksoi se produkti i reformës në drejtësi është negativ.

“Nuk është normale fare dhe presioni publik që po bën ambasadorja. Nuk ndodhin gjëra të tilla në vende të tjera. Përderisa themi se janë krijuar institucionet që themi janë të pavarura, s’do kishim nevojë fare për presione të tilla. SPAK që kur u krijua u ndërhy politikisht. Rrjedhojë e saj jemi këtu ku jemi sot. Fakti që kemi arritur këtu ku jemi sot, tregon që produkti i reformës në drejtësi është negativ”- tha ai.

LEXONI GJITHASHTU: 

• Yuri Kim mesazh anëtarëve të KLP-së: Votimi për kreun e SPAK-ut të jetë objektiv
• Altin Dumani zgjidhet kreu i ri i SPAK
• ‘Ka shumë teori konspirative’, Yuri Kim flet përpara votimit të kreut të SPAK-ut