Suli: Nëse shpallet i pafajshëm, Beleri do lërë mandatin e eurodeputetit për Himarën

Sekretari i OMONIA-s, Marin Suli, është shprehur se nëse Fredi Beleri do të shpallet i pafajshëm nga Apeli i GJKKO, ai do të lërë mandatin e eurodeputetit për të kryer funksionin e kryebashkiakut të Himarës.

Komentet Suli i bëri në emisionin “Now me Erla Mëhillin” në Euronews Albania, ku tha se ka pak gjasa që Beleri të shpallet i pafajshëm në Apelin e GJKKO-së, pasi sipas tij, drejtësia në Shqipëri është me regji nga kryeministri Edi Rama.

Ai tha gjithashtu se në të kundërt, Beleri do të vijojë betejën e tij për drejtësi deri në Gjykatën e Strasburgut.

“Nëse Apeli e shpall ashtu siç është realisht, të pafajshëm, Beleri do të shkojë dhe do bëjë detyrën e kryetarit të Bashkisë, mandat të cilin ja besoi populli i Himarës dhe do japë dorëheqjan nga mandati i europarlamentarit.

Në rast se nuk ndodh, që ka më shumë propabilitet sepse drejtësia është me regji dhe është rilindase, do vijojë të gjitha shkallët e gjykimit deri në Strasburg ku do të marrë pafajsinë dhe dëmet do i paguajmë të gjitha ne. Mandatin për eurodeputet do e vahzdojë”, tha Suli.

LEXONI GJITHASHTU:

• Pse fitoi Beleri e jo Dhima? Barka: Kush e ndihmoi kryetarin e zgjedhur të Himarës
• Gazetari nga Greqia: Beleri u zgjodh eurodeputet nga rritja e nacionalizmit