Sulm me shok-bombë në Zveçan

Në Zveçan mbrëmjen e 18 qershorit është kryer një sulm me një mjet shpërthyes, që sipas Policisë së Kosovës dyshohet të ketë qenë shok-bombë.

Ky mjet plasës është hedhur nga persona ende të panjohur, shkruan REL.

“Nuk raportohet për të lënduar e as dëme materiale. Lidhur me rastin janë angazhuar njësitë kompetente policore për procedura të mëtejme hetimore”, thuhet në njoftim.

Ditëve të fundit janë shpeshtuar rastet e hedhjes së shok-bombave në komunat në veri të Kosovës, të banuara me shumicë serbe.

Autoritetet thanë se mbrëmjen e 16 qershorit janë hedhur dy shok-bomba në Mitrovicë të Veriut. Njëra, sipas Policisë, u hodh afër stacionit policor dhe tjetra afër Shkollës Teknike.

Ndërkaq, mëngjesin e po të njëjtës ditë, cak i sulmeve me shok-bomba ishin stacioni policor në Zveçan dhe ai në Mitrovicë të Veriut.

Nga këto sulme nuk është raportuar për të lënduar.

LEXONI GJITHASHTU:

• Rrëmbimi i policëve në Republikën e Kosovës, reagon njësiti special serb “Kobra”
• Shqiptarët e Kosovës protestë masive në Austri: Mos mbështesni autokratët