Terapistja shqiptare në Miçigan: Burrat refuzojnë terapitë për shëndetin mendor

Terapistja në SHBA Entela Kaba, është shprehur se burrat në komunitetin shqiptar që jetojnë në Amerikë janë më të predispozuar për të mos shkuar në terapi.

Në një lidhje me skype për emisionin “Good Morning Albanians” në Euronews Albania, ajo tha se të gjithë burrat shqiptarë që i kanë shkuar në terapi janë të urdhëruar me vendim gjykate.

Më tej ajo theksoi se kohët e fundit ka pasur shumë të rinj që shkojnë në terapi pasi po i kushtojnë shumë vëmendje shëndetit mendor.

“Burrat nga komuniteti shqiptar janë më të predispozuar mos të shkuar te terapisti për të kërkuar ndihmë. Nëse kam meshkuj shqiptarë në terapi, është se janë të detyruar me vendim gjykate për të bërë terapi. Kemi një zgjim të madh këtu në SHBA, kur vjen puna për shëndetin mendor këtu në Amerikë, po i kushtohet shumë rëndësi. Vijnë mosha të ndryshme dhe mosha të reja. Shikojmë një rritje të madhe të fëmijëve. Ne duam të kemi dhe komunitetin tonë që të kërkojë ndihmë. Duam të prekim të gjithë moshat e ndryshme të komunitetit tonë shqiptarë”- tha ajo.

LEXONI GJITHASHTU: 

• Terapistja: Droga, një nga arsyet që ka çuar në vetëvrasje të shqiptarëve në SHBA
• Terapistja: Shqiptarët edhe në Amerikë kanë turp të flasin për shëndetin mendor