Data e 14 janarit të vitit 1990 do të mbahet mend si dita kur qytetarët e Shkodrës u ngritën për herë të parë në protestë kundër regjimit komunist në Shqipëri.

Atë ditë, një numër i madh qytetarësh u përpoqën të rrëzonin bustin e Stalinit nga qendra e qytetit.

Policia arriti të shpërndajë turmën, por kjo ngjarje, për vetë rëndësinë dhe kohën në të cilën u zhvillua, u konsiderua si demonstrata e parë antikomuniste në Shqipëri.

Protesta pati jehonë brenda e jashtë Shqipërisë, u analizua dhe komentua nga mediat ndërkombëtare sepse hapi rrugën më pas edhe zhvillimeve të tjera demokratike në mbarë Shqipërinë.