Vëllezërit Shkëlqim dhe Florjan Duka u arrestuan të dielën më 24 nëntor 2024, pasi dyshohet se kanë vrarë biznesmenin Eduart Reçi. Dy vëllezërit, kishin konflikte pronësie me viktimën. Shkëlqim Duka i cili dyshohet të jetë edhe qitësi që qëlloi biznesmenin, punonte si oficer i policisë gjyqësore pranë komisariatit numër 2 në Tiranë.
Gazetarja Sara Demushi tha në një lidhje direkte për Euronews Albania se Shkëlqim Duka nuk ka pranuar të flasë para grupit hetimor, ndërsa vëllai i tij Florjani i cili është pyetur më vete, ka thënë se nuk ka lidhje me krimin.
“Gjatë ditës së djeshme policia ka bërë të ditur edhe arrestimin e dy vëllezërve sa i përket kësaj ngjarje. Shkëlqim dhe Flojran Duka janë venë në pranga nga policia e Tiranës pasi kanë arritur të sigurojnë të gjitha provat që i implikojnë vëllezërit duka lidhur më këtë ngjarje.
Gjithashtu, autorët e dyshuar të kësaj ngjarje janë marrë në pyetje nga ana e grupit hetimor, ku në fakt autori kryesor i kësaj ngjarje, dyshohet se është Shkëlqim Duka, i cili është oficeri i policisë gjyqësore pranë komisariatit numër dy në Tiranë. Ai nuk ka pranuar të flasë para grupit hetimor.
Nga ana tjetër i vëllai ka mohuar pjesëmarrjen në këtë vrasje, duke u shprehur se nuk ka lidhje me këtë atentat dhe nuk është pjesë e kësaj ngjarje. Dy vëllezërit janë marrë në pyetje veçmas njëri-tjetrit në mënyrë që të mos ndikonin te dhënia e dëshmisë para grupit hetimor, por njëri prej tyre, i dyshuar si qitësi i këtij atentati, nuk ka pranuar të flasë”,-tha gazetarja.
LEXONI GJITHASHTU:
- “Autori kishte 5 ditë që pozicionohej mbi shkallë”- Si u zbardh vrasja e biznesmenit
- “Qitja e parë dështoi”- Zbardhet misteri: Pse vrasësit e Reçit hidhnin fishekzjarrë
