Sipas të dhënave të Bankës së Shqipërisë, në fund të vitit 2024 kreditë në valutë të huaj përbënin 45.3% të portofolit total të sektorit bankar, duke vijuar tendencën rënëse për të dytin vit radhazi.

Ky zhvillim tregon një prirje në rritje të shqiptarëve për të marrë kredi në monedhën vendase, lek, në vend të euros. Një nga arsyet kryesore është shmangia e rrezikut nga luhatjet e kursit të këmbimit, të cilat mund të ndikojnë në koston e kredisë në valutë të huaj.

Për më tepër, kreditë e pambrojtura ndaj kursit të këmbimit kanë pësuar një rënie prej 5.95% dhe 11% krahasuar me fundin e periudhave përkatëse gjashtëmujore, duke reflektuar një kujdes më të madh të kredimarrësve për të shmangur ekspozimin ndaj rreziqeve valutore.

Kjo prirje drejt kredive në lek sugjeron një stabilitet më të madh financiar për individët dhe bizneset, si dhe një tendencë në ulje të euroizimit në vend, duke eliminuar pasiguritë që vijnë nga ndryshimet e mundshme në kursin e këmbimit.

LEXONI GJITHASHTU:

• Banka e Shqipërisë: Kreditë janë bërë më të lira për bizneset dhe qytetarët
• Ulen kreditë e këqija, niveli më i ulët në 10 vite