Von Der Leyen: KE gati të nisë bisedimet me Shqipërinë dhe RMV-në

Presidentja e Komisionit Evropian, Ursula Von Der Leyen shprehet se komisioni është gati të nisë bisedimet me Maqedoninë e Veriut dhe Shqipërinë për rrugën drejt BE-së.

“Telefonatë e mirë me kryeministrin Kovachevski. Lajme të mirëseardhura që Maqedonia e Veriut dhe Bullgaria me mbështetjen e Francës, janë afër një marrëveshjeje që merr parasysh interesat dhe shqetësimet. Komisioni Europian është gati të nisë procesin e shqyrtimit me Maqedoninë e Veriut dhe Shqipërinë për hapin e radhës në rrugën e tyre evropiane”, shprehet Von Der Leyen në një postim në Twitter.

Good phone call with PM @DKovachevski

Welcome news that 🇲🇰 and 🇧🇬, with support of France, are close to an agreement which takes into account interests & concerns.@EU_Commission is ready to start the screening process for 🇲🇰 and 🇦🇱, the next step on their European path.

— Ursula von der Leyen (@vonderleyen) July 1, 2022

Presidenti francez Emanuel Macron deklaroi një ditë më parë se është gjetur kompromis mes Bullgarisë dhe Maqedonisë së Veriut për heqjen e vetos bullgare.

Ai tha se kryeministri bullgar dhe presidenti e kanë pranuar këtë version ndërsa bisedime do të ketë në ditët në vazhdim në Shkup.

• Arrihet marrëveshja mes Maqedonisë së Veriut dhe Bullgarisë