Mark Nila xhaxhai i Aleks Nikës, i cili humbi jetën më 21 janar 12 vite më parë, ditën e sotme është takuar me kreun e SPAK Altin Dumani.
Në një intervistë për Euronews Albania, ai tha se nuk kanë besim më te Prokuroria e Tiranës dhe bën kërkesë që të takonin Dumanin në lidhje me vrasjen e të nipit.
Sipas tij Dumani i ka thënë se do marrin dosjen e Nikës në SPAK nëse ajo plotëson kriteret.
“Me kërkesën tonë na priti SPAK. Nuk kemi më besim te Prokuroria e Tiranës. Na thanë se do respektohen të gjitha procedurat për të provuar klauzolat që çështja të merret në dorë të SPAK.
Prokuroria e Tiranës ka 12 vjet që e mban dosjen dhe nuk na jep informacion në lidhje me çështjen. Ai tha se nëse plotësohen kriteret që dosjen duhen ta marrë SPAK nuk hezitojmë”- tha Mark Nikla, xhaxhai i Aleks Nikës.
LEXONI GJITHASHTU:
- Çfarë do të bëjë SPAK për 21 janarin? Përgjigjet për Euronews Albania
- Audio-inçizimi për 21 janarin, Balla: E ka thënë dhe Berisha, ka rrahur gjoksin
