‘Zgjedhje e gabuar politike’, ministrja Krifca për protestën e PD-së më 6 dhjetor

Ministrja e Bujqësisë dhe Zhvillimit Rural, Frida Krifca thotë se opozita mori një vendim të gabuar politik, për zhvillimin e një proteste në ditën që mbahej samiti BE-Ballkani Perëndimor në Tiranë.

Në një intervistë për Euronews Albania, Krifca u shpreh se e drejta për protestë është legjitime, por nënvizoi se 6 dhjetori ishte një ngjarje me mjaft rëndësi për vendin, pasi të gjithë liderët evropianë erdhën në Tiranë

“E drejta për protestë është legjitime. Personalisht, mendoj që ishte një vendimarrje e gabuar politike, për të hedhur dritë në një lajm negativ, në një moment që për të gjithë qytetarët e Shqipërisë, pavarësisht kaheve politike që ata kanë, të gjithë festojnë faktin që të gjithë liderët e Evropës vijnë dhe dialogojnë në Shqipëri.

Komunikim, ura bashkëpunimi, se si mund të zhvillohet më tej integrimi i vendeve të Ballkanit Perëndimor në Evropë, ndërkohë qe ne portretizojmë një aspekt jo edhe aq të këndshëm. Mendoj që ishte zgjedhje politike e gabuar, gjithesi e drejta është e tyre për të protestuar”, theksoi ajo.

LEXONI GJITHASHTU

• Ministrja Krifca: Mbështetje financiare për fermerët dhe blegtorët
• Samiti në Tiranë, Krifca: Urë e re bashkëpunimi me vendet e BE-së