Mamir Hodo eksperti i sigurisë rrugore, ishte mëngjesin e kësaj të mërkure i ftuar në “Good Morning Albanians” për të folur rreth aksidentit tragjik të ndodhur ditën e djeshme ku humbën jetën 8 persona, 7 prej të cilëve ishin emigrantë të paligjshëm.

Hodo tha se 8 viktimat kanë qendruar për rreth 7 orë në makinë , ndërsa tha se shpejtësia tej normave në aksion Përmet-Këlcyrë ka shkaktuar rrëzimin e automjtetit.

“Për 447 kilometra, një mjet në rrugë nuk mund të lëvizë më tepër se 70 km në orë. Do shkoj diku te 7 orë, 7 orë e pak. Mjeti që ka qarkulluar me shpejtësi të madhe, ka shpejtuar për ti shpëtuar ndjekjes policore. Segmenti Përmet-Këlcyrë është një nga rrugët më të vështira”,-tha eksperti.

I pyetur nëse ka ndikuar pesha e 8 personave në humbjen e stabilitetit të mjetit, Hodo u përgjigj:

“Në këtë rast nuk ka ndikuar pesha në humbjen e stabilitetit të mjetit. Një benz e ka pesën e tij poshtë 1700 kg dhe merr edhe 600 kg brenda. Mjeti vetë si peshë i mban. Nuk ndikon numri i personave”.

LEXONI GJITHASHTU:

• “Fluturuan në Vjosë pas ndjekjes”, gazetari: Policia i gjeti pas dy orësh
• Aksidenti me 8 të vdekur, merret në pyetje personi që i dha makinën 24 vjeçarit