Pashkët me kisha bosh, Anastas Janullatos: pandemisë t’i kundërvihemi me solidaritet

Ashtu si besimtarët katolikë dhe ata ortodoksë do të presin dhe kremtojnë rigjalljen e Krishtit në shtëpitë e tyre dhe jo në kishë si çdo vit.

Për shkak të izolimit për të shmangur përhapjen e coronavirusit, besimtarët nuk do të përcjellin tek njeri-tjetri dritën e ngjalljes, por kryepeshkopi Anastas Janullatos ftoi ta bëjnë këtë me zemër

“Befasisë dhe shqetësimit që shkaktoi kjo pandemi le t’i kundërvëmë të mos pasurit frikë, që na fal Krishti i kryqëzuar dhe i ngjallur. Një mospasje frike plot me paqe dhe solidaritet. Le të transmetojmë dritën e shpresës e të mospasjes frikë që na fal Krishti nga njëra zemër tek tjetra”, tha Janullatos.

Besimtarëve do t’u mungojë edhe të mbledhurit se bashku me të afërm e miq, por do ta kremtojnë këtë festë të rëndësishme që nënkupton rilindjen dhe kalimin nga vdekja në jetë, me familjet e tyre, ndërsa ceremoninë që do të mbahet në kisha do ta ndjekin përmes ekranit të televizorit.