Presidenti i ri, Gjiknuri: PD të sjellë emra, kandidat pa ambicie politike

Partia Socialiste është në kërkim të presidenti që nuk ka ambicie të mëtejshme politike dhe të qëndrojë mbi palët. Kështu deklaroi Damian Gjiknuri gjatë një bashkëbisedimi me gazetarët.

Sekretari i përgjithshëm i Partisë Socialiste, ftoi Partinë Demokratike që të propozojë emra për president, por duke theksuar se Sali Berisha nuk mund të bëhet pjesë e tryezave të diskutimit për këtë çështje.

“Kemi përjashtuar anëtarët e grupit parlamentar, nuk besoj që PS do të tërhiqet dhe të jetë profil i një njeriu që nuk ka ato ambicie të shfaqura politike dhe të jetë një njeri që ka integritet dhe pa ambicie të mëtejshme politike. Edhe opozita ka fjalën dhe dëshirën e saj e mund të trysnojë pozitivisht”, u shpreh Gjiknuri.

Duke mos pranuar të flas për emra, Gjiknuri e komentoi kështu kandidimin e Fatos Nanos për president.

“Ne kufizimin e kemi të mos jetë i grupit parlamentar. Por njerëz që kanë kontribuar në shoqëri mund të jenë kandidatë. Identifikimi i emrave do ishte gabim. Por edhe Fatos Nano mund të jetë, patjetër kandidat”, tha Gjiknuri.

Gjatë kësaj konference me gazetarët, Gjiknuri foli edhe për Asamblenë e Partisë Socialiste, në të cilën pritet të miratohen ndryshimet statuore dhe plani i punës përgatitore për zgjedhjet e ardhshme lokale.

LEXONI GJITHASHTU:

• Nano për president? Gjiknuri: Asnjë figurë me kontribut s’përjashtohet
• Bushati: Debati për presidentin tregoi se sa e përçarë është opozita