Një shqiptar për sfidën Inter-Bayern, Jareci: Kur shkel në fushë, s’je më tifoz

Arbitri shqiptar Sokol Jareci është caktuar nga FIFA si vëzhgues i gjyqtarëve në sfidën Inter -Bayern.  Në një intervistë për Euronews Albania, Jareci u shpreh se ky është një vlerësim maksimal për të dhe sektorin e arbitrimit në FSHF.

Ai tha se vlerësimi nga UEFA ka nisur 2 vjet më parë, me ndryshimin e komitetit drejtues, teksa tregoi se ka qenë edhe pjesë e arbitrimit në finalen e Conference League, që e vlerësoi si një nga arritjet me të mëdha në karrierë.

Sipas Jarecit, edhe arbitrat mund të jenë tifozë të skuadrave të caktuara, por në momentin që zbresin në fushë për të arbitruar fokusohesh vetëm te profesioni.

“Këto janë sfida të nivelit të lartë pasi ke të bësh me arbitra të njohur. Edhe arbitrat kanë simpati për një ekip të caktuar, por kur zbret në fushë fokusohen vetëm tek profesioni”, tha Jareci.

LEXONI GJITHASHTU:

• Mbyllet merkatoja e futbollistëve, cilat janë ekipet me blerjet më të mira
• Java e pestë e Seria A, Milan mund Interin me përmbysje, ngec Juventus