Shemsi Prençi: Pse do shkojë më keq çështja e inceneratorëve
Ish-drejtuesi i Lartë i Policisë së Shtetit, Shemsi Prençi thotë se çështja e inceneratorëve do shkojë më keq, për ata persona të cilët e ideuan skemën e kësaj afere korruptive.
Në emisionin “Now” në Euronews Albania, Prençi u shpreh se ka besim te drejtësia në lidhje me këtë aferë, pasi sipas tij, kanë dalë mjaftueshëm prova.
Prençi deklaroi se futja dhe nxjerrja nga burgu e Alqi Bllakos, ishte planifikuar nga pushtetarët, të cilët i kishin dhënë atij garanci.
“Para 3 muajsh kur u arrestua Alqi Bllako, unë jam prononcuar në raport me këtë situatë dhe kam thënë se Alqi Bllako nuk do të rrijë më shumë se 3-4 muaj në burg, se kaq i kanë thënë ideatorët dhe organizatorët e skemës së inceneratorëve. Ndaj ai u zhduk për disa orë, derisa mori garancinë te pushtetarët e fuqishëm që e kishin futur në këtë lojë.
Unë kam besim te drejtësia, çështja e inceneratorëve do shkojë më keq. Do shkojë më keq për ata ideatorët e skemës së inceneratorëve dhe jo për Alqi Bllakon. Kam besim, duke pasur parasysh provat që janë”, theksoi ai.
Gjykata e Posaçme të Apelit, vendosi këtë të enjte për zëvendësimin e masës së sigurisë, nga “arrest me burg” në “arrest shtëpie”, për ish-deputetin e Partisë Socialiste, Alqi Bllako.
Për Euronews Albania, SPAK është shprehur nuk ekzistojnë kushtet për ta liruar Bllakon dhe se do të bëhet ankim në Gjykatën e Posaçme të Apelit.
Alqi Bllako dhe ish-ministri i Mjedisit Lefter Koka dyshohet se kanë falsifikuar dokumentin për llojin e tokës ku do të ndërtohej inceneratori i Fierit.
Ata ia kanë paraqitur qeverisë sikur ndërtesa e inceneratorit do të bëhej në tokë truall.
SPAK ka provuar se ajo është ndërtuar në tokë arë, vlera e së cilës është më e lirë. Ky falsifikim i ka sjellë buxhetit të shtetit një dëm prej rreth 140 mijë eurosh.
LEXONI GJITHASHTU
Kryefaqja
“Jam i lodhur nga telenovela Veliaj”, Hasimja: Sa më e gjatë bëhet, aq më shumë lodhen njerëzit
Para, dashuri dhe krim, djali i themeluesit të ‘Mangos’ arrestohet për vrasjen e babait të tij
Gazetari Vojka nga SHBA-ja: Irani ka ndaluar negociatorët iranianë që të bëjnë negociata
- 15:04 U plagos në Maliq, efektivi i nënshtrohet një ndërhyrjeje kirurgjikale
- 14:50 Ishte nisur nga Gjermania, rrëzohet një aeroplan i vogël në Kroaci! Humbin jetën 4 persona
- 14:50 Mojtaba Khamenei shpall fitoren ndaj SHBA: Armiku u poshtërua në fushën e betejës
- 14:46 Miratohet projektligji për CENSI-n e bujqësisë, fermerët që nuk përgjigjen, do të gjobiten
- 14:43 Kursi i Euros me Lekun bie përsëri, po shkon drejt pragut të 95 lekëve
- 14:39 Treni i mallrave përplaset me një kamion në SHBA, 1 viktimë dhe 1 i plagosur rëndë! 17 vagona dalin nga shinat