‘Si miting për mbyllje fushate’, Poli Hoxha zbulon çfarë tha një prej demokratëve

Gazetari Poli Hoxha thotë se protesta e 12 nëntorit e PD ishte një zhgënjim krahasuar me pritshmëritë e ngritura më herët nga Berisha.

Në një intervistë për Euronews Albania, Hoxha u shpreh se protesta e PD ngjante më tepër me një miting përmbyllës të fushatës elektorale, ku secili mbajti fjalimet përkatëse dhe u largua.

“Nëse e krahasojmë me stekën që kishte ngritur vete Berisha mund të themi se është zhgënjim, jo për pjesëmarrjen që ishte e mirë pasi protesta ishte mbarëkombëtare. M’u duk si miting përmbyllës fushate ku të gjithë mbajtën fjalime. Por ishte diçka që nga të dyja anët kemi një luftë edhe brenda vetë PD. Ishte thjesht një shpenzim i demokratëve që erdhën nga gjithë Shqipëria. Të vish që nga Korça, p.sh është shpenzim. Një nga demokratët e Korçës Ilir Vrenozi ndërkohë që fliste Berisha thoshte: doktor, nuk kemi bërë 200 km për të dëgjuar të njëjtin fjalim që thua çdo ditë në TV. Nuk u ndje fryma e protestës, mbajtën fjalimet dhe ikën sikur bënë një sebep për t’u mbyllur”, u shpreh gazetari.

LEXONI GJITHASHTU:

• “Pa moral”, Poli Hoxha ‘skanon’ protestën e së shtunës: Mesazh për ndërkombëtarët
• Agim Baçi: Ramën e trembin vetëm protestat e qytetarëve, jo ato politike