Gazment Bardhi përjashtohet për 5 ditë nga Kuvendi dhe Komisionet Parlamentare

Deputeti i PD-së Gazment Bardhi është përjashtuar për 5 ditë nga Komisionet Parlamentare dhe seancat plenare.

Vendimi është marrë nga Sekretariati për Procedurat, Votimet dhe Etiken në Kuvend, pasi dy ditë më parë i largoi mikrofonin Kryetares së Komisionit të Ligjeve, Klotilda Bushka, teksa po hidhej në votim projektligji për Portin e Durrësit.

Njoftimi:

Në drejtimin e znj. Klotilda Bushka, ditën e sotme u mblodh Sekretariati për Procedurat, Votimet dhe Etikën, për shqyrtimin e kërkesës së grupit Parlamentar të Partisë Socialiste, lidhur me situatën e krijuar nga deputeti z. Gazmend Bardhi, gjatë zhvillimit të mbledhjes së Komisionit për Çështjet Ligjore, Administratën Publike dhe të Drejtat e Njeriut, të datës 15.11.2022. Në këtë mbledhje deputeti Bardhi përdori gjuhë jo parlamentare ndaj Kryetares së Komisionit, shoqëruar me veprime agresive, duke dëmtuar pajiset audio në sallën e mbledhjes së komisionit, si dhe keqpërdori dokumentacionin e mbledhjes, duke i hedhur shkresat e mbledhjes drejt Kryetares së Komisionit. Bazuar në Rregulloren e Kuvendit, neni 63 pika ç dhe neni 65/1, Sekretariati vendosi me 3 vota Pro dhe 2 Kundër, marrjen e masës disiplinore “Përjashtim nga pjesëmarrja në komisione dhe në seanca plenare për 5 (pesë) ditë”, për deputetin z. Gazmend Bardhi. Vendimi hyn në fuqi më datë 18.11.2022.

LEXONI GJITHASHTU:

• Braçe kundër vendimit: E paligjshme vendosja e traut në Parkun e Divjakës
• Deputetja Dhori: S’do të lejojmë që hyrja në Parkun e Divjakës të bëhet me pagesë
• Hyrje me pagesë në Parkun e Divjakës, banorët përplasen me policinë, shkulin traun