Rama për Portin e Durrësit: Shteti shqiptar, ortak me 33% në një investim të huaj

Kryeministri Edi Rama i është rikthyer sërish temës së projektit për Portin e ri të Durrësit, pas akuzave të opozitës, që e cilëson atë një aferë korruptive.

Përmes një postimi në rrjetet sociale, Rama u shpreh se javës tjetër në parlament, do të ndajë të gjitha faktet para shqiptarëve, e jo para opozitës, të cilët i konsideron ‘rublaxhinj’.

Sipas Ramës, shteti shqiptar do të jetë ortak me 33% në një investim të huaj, për të cilën pati negociata.

Akuzat nga opozita, Rama i ka konsideruar pazarllëqe të nivelit të Gërdecit, teksa shtoi se është fat i madh për Durrësin dhe Shqipërinë, që të ketë investime nga një prej kompanive më prestigjoze të Lindjes së Mesme dhe një prej investitorëve më të vlerësuar në industrinë globale të turizmit.

“Mirë vetes i thua duro si ke duruar se të dinë si veten e s’ke ç’u bën, po sekëlldi e madhe t’u shpjegosh të huajve se si mund të kulmojnë kaq lart injoranca me ligësinë dhe si mund të akuzohen investitorë të kalibrit të Muhammed Alabbarit për pazarllëqe të nivelit të Gërdecit! Investimi më i madh i huaj në rajon,që do të transformojë Durrësin e Shqipërinë dhe do impaktojë drejtëpërdrejtë ekonominë kombëtare, trajtohet si aferë katundi për pula,ndërsa kontrata më gjatë e negociuar e shtetit shqiptar me një palë tjetër, lexohet si defter hallvaxhinjsh!”, shkroi Rama ndër të tjera në Twitter.

Po mezi po e pres seancën e parlamentit javën tjetër, ku të gjitha faktet do t’i ndajmë mirë e mirë me shqiptarët, se me të shiturit për rubla e me urrejtësit profesionistë të banaqeve mediatike, s’ka të bardhë që nuk kthehet në të zezë dhe s’ka diell që nuk mbulohet me shoshë!

— Edi Rama (@ediramaal) November 19, 2022

LEXONI GJITHASHTU

• Investimi në Durrës, Spaho: Mallrat e importit do shkarkohen në Mal të Zi ose Greqi
• ‘Duhet t’i nënshtroheni shumicës’, Beqiri debat me Kullurin për Portin e Durrësit
• Porti s’bëhet pa dijeninë e SHBA, ironia e Ngjelës: Pse nuk shkon Berisha t’i lutet?