Rrjedha e ujit mori para makinën, trupat e babë e bir ende nuk janë gjetur

Trupat e babë e bir, të cilët u rrëmbyen nga rrjedha e ujit teksa ndodheshin në automjetin e tyre në Shkrel të Shkodrës, ende nuk janë gjetur.

Gazetari i Euronews Albania, Teodor Gjerga, raportoi në emisionin “Good Morning Albanians” së mbrëmjes së djeshme se kërkimet janë ndërprerë.

“Në njësinë administrative të Shkrelit, në Malësinë e Madhe, mbrëmjen e djeshme janë ndërprerë kërkimet nga focat RENEA, polumbarët, forcat e FNSH-së, si dhe nga banorët e zonës. Ende në momentet që flasi nuk është bërë e mundur gjetja e trupave të babë e bir, të cilët u rrëmbyen nga përroi i thatë ditën e djeshme”, theksoi Gjerga.

Bëhet fjalë për 50-vjeçarin Pjetër Rushaj dhe djalin e tij, që ndodhej brenda automjetit që mori përpara rrjedha e ujit të përroit mesditën e së dielës.

Brenda makinës ndodhej dhe vajza e Rushajt, por kjo e fundit ka arritur të shpëtojë dhe ndodhet jashtë rrezikut për jetën.

Moti i keq ka përfshirë Shqipërinë, ku qyteti më problematik aktualisht mbetet Shkodra.

LEXONI GJITHASHTU

• Uji mori para makinën, humbin jetën babë e bir në Malësi të Madhe. Shpëton vajza
• Uji merr para makinën në Bogë, polumbarët në kërkim të babë e bir. Shpëton vajza
• Vërshon uji në Bogë, merr para një makinë