Samiti i BE në Tiranë, rrugët që bllokohen duke nisur nga 5 dhjetori

Në 6 dhjetor në Tiranë do të mbahet Samiti BE-Ballkani Perëndimor me pjesëmarrjen e delegacioneve dhe krerëve të shteteve evropiane dhe ballkanike.

Në kuadër të masave për mbarëvajtjen e sigurisë në kryeqytet do të bllokohen plotësisht disa rrugë dhe do vendoset një perimetër sigurie që nis aktivizimin në datën 5 dhjetor në orën 14:00.

Rrugët që do të bllokohen:

“Bulevardi “Dëshmorët e Kombit”, nga ura e Dajtit deri te Sheshi “Nënë Tereza”;

Bulevardi “Bajram Curri” nga kryqëzimi me rrugën e “Elbasanit” deri te kryqëzimi me rrugën “Ibrahim Rugova”;

Rruga “Papa Gjon Pali II” nga ETC-RTSH-Stadium;

Rruga “Dervish Hima”;

Rruga “Asim Zeneli”;

Rruga “Themistokli Gërmenji”, pranë rrugës së Elbasanit dhe te kryqëzimi afër rrugës “Papa Gjon Pali II”;

Rruga “Ismail Qemali”, nga kryqëzimi i Liceut deri te rruga e “Elbasanit”.

Rruga “Mustafa Matohiti”, pranë shkollës “Kosova”;

Rruga “Jul Variboba”, pranë postës, në rrugën e Elbasanit dhe rrugën “Papa Gjon Pali II”;

Rruga “Fatmir Haxhiu”, te ETC;

Rruga “Lekë Dukagjini”, nga sheshi “Frederik Shopen”, deri te stadiumi “Air Albania” dhe përreth stadiumit; Rruga “Skerdilajd Llagami” dhe rruga “Faik Konica”.”

Ndalim të qarkullimit të automjeteve do të ketë edhe në aksin rrugor;

“Rinas – Mbikalimi i Kasharit – Autostrada “Durrës – Tiranë” – Ish-sheshi “Shqiponja” – Unaza e Tiranës – Rrethrrotullimi i Saukut – Rrethrrotullimi pranë Akademisë së Policisë – Pallati i Brigadave – Rrethrrotullimi i qytetit “Studenti”, deri tek kryqëzimi me bulevardin “Bajram Curri”.

Kufizime të qarkullimit të automjeteve të tonazhit të rëndë, do të ketë në aksin rrugor

“Shkodër – Lezhë – Milot – Thumanë – Fushë Krujë – Vorë”.

“Perimetri do të fillojë aktivizimin nga ora 14:00 e datës 5 me kufizimin e perimetrit që thamë dhe cituam më lart. Ky perimetër do të mbahet deri në përfundimin e samitit dhe largimin e të gjitha personaliteteve nga vendi jonë.

LEXONI GJITHASHTU:

• Protesta e PD, Rama: Njollosje! Siguria e Samitit nuk negociohet me askënd
• Berisha dakord me Ramën: Samiti është ngjarje historike, ja arsyet