Sipërmarrësi: Një familje do vijë nga Australia në SHBA për të provuar byrekun tim

Shqiptari nga Kosova, Filip Kajtazi thotë se një familje nga Australia do shkojë në dyqanin e tij në SHBA, vetëm për të provuar byrekët që gatuan.

Në emisionin  “Good Morning Albanians” në Euronews Albania, Kajtazi u shpreh se i kanë ardhur klientë edhe nga Irlanda, Zvicra dhe Gjermania.

“Më pyesin çfarë është, ku je, çfarë lokali je. Unë kam pasur, më kanë ardhur nga Irlanda, Zvicra, Gjermania. Javën tjetër, më ka shkruar njëri nga Australia dhe do vijë vetëm për të provuar byrekun. Një familje ka ardhur nga Irlanda, nga aeroporti direkt te dyqani im.

Kanë blerë dy tepsi, kanë ardhur një familje, burrë dhe grua me fëmijë. Një copë byrek kushton 7 dollarë e 50 cent, ndërsa një tepsi kushton 30 dollarë”, theksoi ai.

LEXONI GJITHASHTU

• Shqiptari që bën byrek në SHBA: TikTok më rriti biznesin
• Dollma dhe byreku, ushqimet shqiptare që i pëlqejnë regjisorit nga Bangladeshi
• Domate në hapësirë, SpaceX çon furnizime