Patozi: Zgjedhja e Dumanit në krye të SPAK-ut ka ‘mërzitur’ rilindjen dhe foltoren

Ish-kryetari i Partisë Bindja Demokratike, Astrit Patozi thotë se Partia Socialiste dhe Partia Demokratike janë shqetësuar pas zgjedhjes së Altin Dumanit në krye të SPAK-ut.

Në një intervistë për Euronews Albania, Patozi u shpreh se besimi i qytetarëve te reforma në drejtësi, ka rënë.

“Padiskutim që po. Edhe sikur unë të thoja ndryshe, por ata, është shumë evidente që kanë qenë shumë të mërzitur nga i gjithë procesi, por sidomos nga produkti final i tij, që ishte zgjedhja e zotit Dumani në krye të SPAK-ut. Nuk i heq asnjë presje asaj që kam shkruar, pavarësisht se për të qenë i sinqertë, besimi im tek reforma në drejtësi ka ardhur duke u zbehur.

Kam përshtypjen që publiku shqiptar është i zhgënjyer nga e gjithë ecuria e reformës nëd rejtësi dhe kohët e fundit ka një rënie të besimit të publikut te institucionet e reja të drejtësisë”, theksoi ai.

LEXONI GJITHASHTU

• Kush trembet nga SPAK-u? Çupi: Altin Dumani s’mund t’i zgjidhë i vetëm çështjet
• Inceneratori i Fierit, SPAK dërgon për gjykim Lefter Kokën dhe Alqi Bllakon
• Ferhati: I ka bërë zyrtarët me dhimbje koke, ja çfarë pritet nga kreu i ri i SPAK