“Rasti i Klosit po përdoret politikisht”, Valteri: Shtëpitë ku shkonte pastruesja

Ish-deputeti Halit Valteri ka komentuar rastin e fundit që ka ndodhur në Tiranë, ku Rozeta dhe djali i saj Havier Domi vodhën në shtëpinë e zyrtares së lartë Alda Klosi 120 mijë euro, florinj dhe sende të tjera me vlerë.

Në një intervistë për Euronews Albania, Valteri tha se rasti në fjalë po përdoret politikisht për vet postin që mban Klosi.

Ai shprehet se përderisa zyrtarja ka bërë vet denoncimin në polici për vjedhjen që i është bërë i ka marrë parasysh të gjitha.

“Një person që shkon deklaron që në banesën time janë vjedhur 120  mijë euro dhe sende me vlerë, nëse ky do kishte pasur dhe para tjera, besoj se do të shkonte t’i thoshte shumat e caktuara që janë vjedhur.

Në atë shtëpi mund të ketë pasur jo 404 por dhe 4 milionë por fakti që zonja në fjalë shkon dhe i drejtohet organeve përkatëse dhe thotë se në shtëpinë time është vjedhur kjo valutë e merr parasysh gjithçka që mund të ndodhë.

Shikoj se po kryqëzohet zonja Klosi për shkak të detyrës që ka. Besoj se pastruesja shkonte në shtëpitë e niveleve që kanë pasur të mira materiale. Për sa kohë organet e drejtësisë nuk kanë bërë një zbardhje të plotë, përsa kohë prokuroria nuk ka dalë në një konkluzion të plotë është mirë që opinion publik dhe njerëzit mos ta rëndojnë më shumë situatën e familjes së Alda Klosit. Po përdoret politikisht. Atyre u ka rënë halli të shkretëve dhe ne ua rëndojmë më shumë. “- tha ai.

LEXONI GJITHASHTU: 

• ‘Jemi magnet’, Blendi Klosi i përgjigjet Ilir Metës: Ja si PS-ja e mori Agron Çelën
• Regjistrimi Rama- Berisha-Hajdari, Kadilli: Ende kemi një demokraci të negociuar
• Mashtronin biznesmenët, lihen në burg dy vëllezërit dhe bashkëpunëtori i tyre