Naftë në pusin Shpirag-5, inxhinieri: Fitimet deri në 8 milionë euro në ditë

Inxhinieri Stavri Dhima thotë se kompania Shell po kyen shpime për naftë në pusin Shpirag-5 në Berat.

Në një intervistë për Euronews Albania, Dhima u shpreh se sipas Shell, ky vendburim është i ngjashëm me atë të Val D’agri në Itali, ku nxirren 85 mijë fuçi nafte  në ditë dhe fitimiet përllogariten deri në 8 milionë euro.

“Vërtet situata në zonën e kërkimeve në Shpirag nga kompania Shell, janë në një stad mjaft të avancuar. Tashmë, eshtë në shpim edhe pusi Shpirag 5, i cili fatmirësisht po ecën normalisht. Shellt hotë se ky pritet të jetë një vendburim i ngjashëm me Val D’agrin në Itali.

Duke ditur shifrat e Val D’agrit që në një ditë jep 85 mijë fuçi dhe fitimet mund të jenë 7-8 milionë për këtë sasi, atëherë bëhen disa përafrime. Pritet që sasitë e naftës në fazën kur kjo të jetë e kompletuar me numrin e plotë të puseve, që mund të jenë rreth 8 puse të mëdhenj në fazën e shfrytëzimit, të arrijë rreth 100 mijë fuçi në ditë”, theksoi ai.

LEXONI GJITHASHTU

• Sa lekë merr shteti në ditë nga prodhuesit e naftës
• Ku shkon sot nafta shqiptare
• Koncesionet e Zogut, ku shkuan fuçitë me naftë