“Nuk po mbroj veten”, flet para Gjykatës në Hagë Jakup Krasniqi

Ka mbajtur fjalën para Gjykatës në Hagë ish-udhëheqësi i UÇK-së Jakup Krasniqi, i cili akuzohet për krime lufte.

Në ditën e tretë të gjyqit, Krasniqi tha se nuk po mbron veten, ndërsa nisi fjalimin duke folur për jetën e tij personale që nga lindja.

Ai tha se 6 vite pas lindjes së tij në Kosovë u kryen krime të tmerrshme nga regjimi Jugosllav, pas Luftës së Dytë Botërore.

“Më lejoni që në fillim të këtij procesi të them disa fjalë për veten time, jo për të mbrojtur veten nga njollosja që më bëhet n ë këtë akuzë por për të ndriçuar atë që më duket e domosdoshme  për të kuptuar pafajësinë time të plotë. Jam lindur më 1  janar në 1951, në Drenicë, në familje kemi qenë 8 vëllezër dhe tre motra. Jam vëllai i dytë nga mosha, babai im ishte i arsimuar dhe ishte mësues, por nuk u pajtua me regjimin e kohës dhe zgjodhi të punoj tokën dhe të përkujdesej për arsimin e familjes së tij. U linda 6 vite pas janarit të tmerrshëm të vitit 1945, ku forcat e armatosura të regjimit komunist kryen vrasjen e mijëra shqiptarëve dhe burgosjen e qindra të tjerëve. Të gjitha këto tmerre ndodhën pas Luftës së Dytë Botërore dhe pas premtimit  të partisë komuniste që do të respektonte të drejtën e popullit shqiptar për vetëvendosje”- tha ai.

LEXONI GJITHASHTU: 

• Platforma për monitorimin e financimit të partive, Hohmann: Lufton korrupsionin
• ‘Akuza ndaj meje s’ka logjikë’, Krasniqi: S’kam qenë i përfshirë në asnjë vrasje