Ngacmimet seksuale në punë ndodhin më shumë në administratën publike

Sipas një studimi të organizatës UN Women i cili u publikua së fundmi në Prishtinë, rezulton se në Kosovë 70 për qind e grave besojnë se ngacmimi seksual është dukuri e pranishme në vendin e punës, ndërsa vetëm 9 për qind deklarojnë se janë ngacmuar seksualisht vet ose njohin dikë që ka përjetuar një gjë të tillë.

Avokati Meshar Selimaj tha në emisionin GoodMorning Albanians në Euronews Albania se përqindja e ulët e ngacmimeve të denoncuara është alarmante.

Sipas tij, pjesa më e madhe e ngacmimeve seksuale ndodhin në administratën publike, ku edhe hierarkia eprorë-punonjës është edhe më e dukshme.

“Ngacmimi është mes kolegësh ose me eprorët dhe ndodh më shumë në administratën publike të shtetit, pra janë ngacmime në organe shtetërore, ku ka më shumë peshë hierarkia. Ngacmimi seksual sipas kodit penal të Kosovës dhe Shqipërisë përfshin cilëndo të sjellje së padëshiruar verbale apo jo verbale, fizike që është e natyrës seksuale dhe që cenon personalitetin e personit. Në kodin penal të Shqipërisë është më sipërfaqësor, kodi penal i Kosovës e ka parë më gjerësisht”, tha avokati.

LEXONI GJITHASHTU:

• 70% e grave në Kosovë besojnë se ngacmimi seksual është i pranishëm në punë
• Sipërmarrësi: Pse 1 litër qumësht kushton më shumë në Shqipëri sesa në Francë