“Nxehet” fushata në Shkodër, PS dhe aleatët në terren përballë demokratëve

Korrespondenti i Euronews Albania, Teodor Gjerga tha se prej më shumë se 1 muaji ka nisur fushata elektorale në Shkodër.

“Të dy kandidatët prej kohësh janë në terren dhe po takohen me strukturat e tyre. Ata po përgatiten për datën kur nis zyrtarisht numërimi i ditëve të fundit të fushatës. Zoti Beci prej kohësh është vendosur në qytetin e Shkodrës ku ka mbledhur strukturat e PS më parë, por duhet thënë që është bërë dhe bashkimi me strukturat e larguara nga Partia e Lirisë, me deputetin Çela, por dhe me mënyrën si do të bashkëveprohet me aleatin e tyre në Shkodër, zotin Tom Doshi dhe Partinë Socialdemokratike.

Ndërveprimi mes këtyre strukturave ka bërë që të paktën 1 muaji në terren janë mbështetësit e këtij kandidati dhe po takohen për të kërkuar votën dhe për të kërkuar mbështetjen e shkodranëve,” – u shpreh Gjerga.

Ndërkaq, kreu aktual i bashkisë Shkodër, Spahia ka nisur takimet dhe organizimin e fushatës. Disa herë ka postuar në Facebook për takime në zona të ndryshme të qytetit të Shkodrës me mbështetës dhe kryetarë të grup-sesioneve të tyre.

LEXONI GJITHASHTU:

• E premtja e madhe e katolikëve, të krishterët kryejnë ritualin në Korçë e Shkodër
• Arrestohet autori i plagosjes së trefishtë në Shkodër