Nga Fieri në Kanada, shqiptari e nisi punën si mekanik dhe u bë aktor filmash

Redi Zyka është një aktor shqiptar i cili prej vitesh jeton dhe punon në Kanada, ku edhe ka realizuar disa filma. Ai është larguar nga vendi në vitin 2001 kur ishte 13 vjeç për të realizuar  ëndrrën e tij.

Aktualisht ai po punon për një projekt që lidhet me vitin 1997, me ngjarjet e rënda që ndodhën në vendin tonë.

Së fundmi ai ka dhënë një intervistë për emisionin ‘Good Morning Albanians’ në Euronews Albania, duke thënë se e ka pasyur gjithmonë ëndërr që të realizonte një film me metrazh të gjatë, por gjithmonë është përballur me vështirësi.

Më tej ai tregoi dhe peripecitë që ka hasur gjatë karrierës së tij, deri sa po bën tashmë realitet një ëndërr të tij.

“Unë e kam pasur në plan për të bërë një film të plotë me metrazh të gjatë , aplikuam për fonde, por përgjigja na erdhi jo. Në Kanada kam 22 vite, që nga viti 2001.  Kam bërë punë tjera para se të filloja karrierën si kamarier. Jam marrë mekanik.  Më erdhi një ofertë  për të aplikuar në një agjenci, u lidha me email dhe ajo agjenci dhe që aty nisi. E kam pas gjithmonë ëndërr që të jem aktor”- tha ai.

LEXONI GJITHASHTU:

• Pagesa deri në 1000 € për kalimin e paligjshëm të kufirit, arrestohet 35-vjeçari
• Shpërthen bombola e gazit në banesën në Patos, plagosen tre persona